Zabir Saeed Badar

مسٹر اور مسز جانسن شہر کے قریب ایک چھوٹے سے گھر میں رہتے تھے۔ ان کے پاس بہت زیادہ پیسہ نہیں تھا، لیکن وہ غریب بھی نہیں تھے۔ دونوں ایک دوسرے سے محبت کرتے تھے۔ تاہم، ان کے درمیان ایک بات پر ہمیشہ اختلاف رہتا تھا۔ مسٹر جانسن کو پرانی کتابیں خریدنے کا بہت شوق تھا۔ جب بھی وہ کسی ایسی دکان کے سامنے سے گزرتے جہاں پرانی کتابیں فروخت ہوتی تھیں، وہ اندر چلے جاتے اور کوئی نہ کوئی کتاب خرید لیتے۔ تقریباً ہر روز وہ ایک یا دو نئی کتابیں گھر لے آتے۔ ان کے چھوٹے سے گھر کے تمام کمروں کی دیواروں پر کتابوں کی الماریاں تھیں اور اب وہ سب بھر چکی تھیں۔ کتابیں فرش پر، میزوں پر اور کرسیوں پر بھی پڑی رہتی تھیں۔ مسز جانسن کافی عرصے تک خاموش رہیں۔ وہ اپنے شوہر سے محبت کرتی تھیں اور جانتی تھیں کہ انہیں پرانی کتابیں خریدنے کا شوق ہے۔ لیکن ایک دن وہ کتابوں کی مسلسل صفائی اور گرد جھاڑتے جھاڑتے تھک گئیں۔ انہوں نے اپنے شوہر سے کہا: “آپ ان میں سے کچھ کتابیں بیچ کیوں نہیں دیتے؟ آپ یہ سب کبھی پڑھ بھی نہیں سکیں گے۔” مسٹر جانسن نے جواب دیا: “نہیں، میں انہیں بیچنا نہیں چاہتا۔ مجھے اچھا لگتا ہے کہ یہ کتابیں میری الماریوں میں...

 عجیب اتفاق ہے کہ تاریخ میں ہمیں بعض اوقات ایسے واقعات  ایک دوسرے سے ملتے جلتے دکھائی دیتے ہیں کہ انسان ٹھٹھک کر سوچنے پر مجبور ہوجاتا ہے۔ موسیٰ بن نصیر اور محمد بن قاسم کے ساتھ پیش آنے والا واقعہ ہو یا لارڈ کلائیو کے ساتھ ہونے والے حالات، دونوں میں ایک قدرِ مشترک ضرور نظر آتی ہے: وہ لوگ جنہوں نے سلطنت کے اقتدار اور توسیع میں غیر معمولی کردار ادا کیا، بالآخر اپنے ہی اقتدار کے سیاسی مفادات اور اندرونی کشمکش کا شکار ہوگئے۔ موسیٰ بن نصیر اور محمد بن قاسم کے معاملے میں روایات ہمیں بتاتی ہیں کہ سیاسی اقتدار کی تبدیلی کے بعد دونوں کے ساتھ انتہائی ناموافق سلوک ہوا۔ دوسری طرف لارڈ کلائیو کی داستان بھی ایک عجیب تاریخی المیے کی صورت ہمارے سامنے آتی ہے۔ وہ شخص جس نے ہندوستان میں برطانوی اقتدار کی بنیاد مضبوط کرنے میں فیصلہ کن کردار ادا کیا، جس نے 1757ء کی جنگِ پلاسی میں فتح حاصل کی اور بنگال میں ایسٹ انڈیا کمپنی کے سیاسی اقتدار کا دروازہ کھولا، بعد میں خود اسی نظام کی سیاسی کشمکش اور مخالفت کا نشانہ بن گیا۔ 1757ء محض ایک جنگ کی تاریخ نہیں تھی؛ یہ ہندوستان کی تاریخ کا ایک اہم موڑ تھا۔ پلا...

  تازہ شمارۂ فارن افیئرز  | بدلتی ہوئی عالمی طاقت کا فکری منظرنامہ صاحب زادہ محمد زابر سعید بدر #زابرسعیدانسٹیٹیوٹ آف میڈیا اینڈ پالیسی اسٹڈیز کی جانب سے عالمی سطح کے اہم جرائد میں شائع ہونے والے مضامین اور بین الاقوامی تعلقات سے متعلق تازہ فکری مباحث کو اردو قارئین کے لیے نمایاں کرنا اس مقصد کا حصہ ہے کہ ہمارے طلبہ، اساتذہ، محققین اور عام قارئین دنیا میں رونما ہونے والی بڑی تبدیلیوں کو صرف خبروں کے ذریعے نہیں بلکہ ان کے پسِ پشت موجود فکری رجحانات کے ذریعے بھی سمجھ سکیں۔ اسی سلسلے میں تازہ شمارۂ فارن افیئرز کا مطالعہ ایک دلچسپ اور اہم عالمی منظرنامہ ہمارے سامنے رکھتا ہے۔ اس شمارے کے مختلف مضامین کو اگر الگ الگ پڑھا جائے تو ان میں مصنوعی ذہانت، چین کی صنعتی پیداوار، نایاب معدنیات، حیاتیاتی ہتھیار، امریکی عسکری ٹیکنالوجی، حکومتی کارکردگی، جمہوری نظام اور دہشت گردی کے خلاف جنگ جیسے موضوعات نظر آتے ہیں۔ لیکن جب ان تمام مباحث کو ایک ساتھ رکھ کر دیکھا جائے تو ایک وسیع تر تصویر سامنے آتی ہے۔ یہ تصویر اس دنیا کی ہے جہاں طاقت کے پرانے مراکز اب بھی مضبوط ہیں، لیکن ان کی برتری پہلے جیسی ...

 مشین سے خدا تک | انسان اور مصنوعی ذہانت کے مستقبل کا سوال صاحب زادہ محمد زابر سعید بدر زابرسعیدانسٹیٹیوٹ آف میڈیا اینڈ پالیسی اسٹڈیز کا بنیادی مقصد یہ ہے کہ دنیا کے اہم فکری اور علمی مراکز میں جاری مباحث کو پاکستانی قارئین، بالخصوص طلبہ، اساتذہ، محققین اور پالیسی سے دلچسپی رکھنے والے افراد تک آسان، رواں اور قابلِ فہم اردو میں پہنچایا جائے۔ ہمارا خیال ہے کہ آج کی دنیا کو سمجھنے کے لیے صرف روزمرہ کی خبریں کافی نہیں۔ اصل ضرورت یہ جاننے کی ہے کہ دنیا کے سنجیدہ اہلِ فکر آنے والے کل کے بارے میں کیا سوچ رہے ہیں، کن سوالات سے دوچار ہیں اور بدلتے ہوئے حالات کو کس فکری زاویے سے دیکھ رہے ہیں۔ اسی مقصد کے تحت عالمی سطح کے معروف جریدے فارن افیئرز کے ستمبر اور اکتوبر دو ہزار چھبیس کے تازہ شمارے کا مطالعہ کیا گیا ہے۔ اس شمارے میں عالمی معیشت، چین کے بڑھتے ہوئے اثرات، عسکری ٹیکنالوجی، مشرقِ وسطیٰ اور عالمی سیاست کے ساتھ ایک ایسا موضوع بھی نمایاں ہے جس کا تعلق براہِ راست ہماری آنے والی زندگی سے ہے: مصنوعی ذہانت اور انسانیت کا مستقبل۔ "مشین سے خدا تک" کے عنوان سے سامنے آنے والی یہ بحث ہمیں ای...

لاہور کی یادیں صاحب زادہ محمد زابر سعید بدر واپڈا ہاؤس کی چھت سے لاہور کا نظارہ لارنس گارڈن کے جگنو شاہ دین بلڈنگ کی ومٹو فیروز سنز  کی کتابیں سعید لخت سے ملاقاتیں   والدِ گرامی، جناب سعید بدر صاحب، ان دنوں واپڈا کے ایڈیٹر  خبرنامہ و برقاب تھے سامنے شاہ دین بلڈنگ میں، ایڈورٹائزنگ کمپنی کمرشل سروسز اینڈ پبلسٹی کے مالک تھے۔ ہم دونوں بہن بھائیوں کو وہ اکثر واپڈا ہاؤس میں فنکشنز میں لے جاتے اور عظیم شخصیات سے ملنے کا موقع ملتا۔ یہ وہ دور ہے جب واپڈا واقعی واپڈا تھا۔ پاکستان کے  چند ایک بڑے ادارے تھے، ان میں ایک واپڈا بھی تھا۔ واپڈا آڈیٹوریم میں مہینے میں ایک مرتبہ دنیا کی بہترین فلمیں دکھانے کا بھی اہتمام ہوتا۔ تمام فیملی، میری والدہ اور چھوٹی بہن، ہم سب وہاں جاتے۔ مجھے یاد ہے کہ واپڈا کی چھت پر جا کر پورا لاہور  دیکھنا بہت اچھا لگتا تھا۔ اس وقت لاہور میں بہت زیادہ  بلند و بالا عمارتیں نہیں تھیں۔ سامنے سمٹ مینار تھا، شاہ دین بلڈنگ تھی اور باقی لاہور، بس روشنیاں نظر آتی تھیں۔ ابو کے پاس ان دنوں سفید رنگ کی ٹویوٹا گاڑی تھی۔اکثر میں اور بہن  ابو کے ڈرائی...

انسان: جبلت، تہذیب اور استحصال ذیلی سطر: مشرق و مغرب کے فریم ورک سے آگے ایک علمی و فکری بحث   ڈاکٹر زابر سعید بدر  آج فیس بک پر ایک صاحبِ مطالعہ شخص کی ایک طویل تحریر  نظر سے گزری۔ تحریر کا بنیادی تھیسس یہ تھا کہ مدارس میں جنسی بے اعتدالی اور بعض دوسرے انحرافات کے پسِ پشت بنیادی عامل ’’جنسی گھٹن‘‘ اور طویل محرومی ہے۔ مصنف نے یہ مؤقف بھی پیش کیا کہ جب انسانی جذبات، خواہشات اور اظہار کو مسلسل دبایا جائے تو وہ کسی نہ کسی صورت میں پھٹ کر سامنے آتے ہیں۔ یہ ایک قابلِ غور نکتہ ہے، لیکن اس کا ایک اہم antithesis بھی سامنے آتا ہے۔ اگر جنسی گھٹن ہی جنسی استحصال کی بنیادی وجہ ہے تو پھر یورپ اور دوسرے نسبتاً آزاد معاشروں میں بچوں کے جنسی استحصال کے واقعات کیوں ہوتے ہیں؟ وہاں بھی اساتذہ، تعلیمی اداروں کے کارکنوں، مذہبی شخصیات، کوچز اور دوسرے بااختیار افراد کی طرف سے بچوں کے جنسی استحصال کے واقعات رپورٹ ہوئے ہیں۔ برطانیہ کی Independent Inquiry into Child Sexual Abuse نے اسکولوں میں ایسے واقعات کی تفصیلی تحقیقات کیں، جبکہ WHO اور دیگر عالمی ادارے بھی مختلف معاشروں میں بچوں کے خلاف جنسی ت...

  انسان: تہذیب یافتہ درندہ؟ صاحب زادہ زابر سعید بدر   دنیا کے اسٹیج پر انسان نے جو کردار ادا کیا ہے، اسے دیکھ کر کبھی کبھی حیرت سے زیادہ کراہت محسوس ہوتی ہے۔ کہیں کہیں افراد نے عقل و فراست، ایثار اور انسان دوستی کا شاندار مظاہرہ بھی کیا، لیکن انسانی تاریخ کا مجموعی منظرنامہ دیکھیں تو اس میں حماقت، طفلانہ خود پسندی، حرص، اقتدار کی ہوس، بدکاری، ظلم اور تخریب پسندی کے رنگ بھی بہت گہرے دکھائی دیتے ہیں۔ تقریباً ڈھائی سو سال پہلے جرمن فلسفی امانوئل کانٹ نے انسانی تاریخ کے اسی تضاد کو محسوس کرتے ہوئے ایک بنیادی سوال اٹھایا تھا۔ W. H. Walsh نے اپنی کتاب An Introduction to the Philosophy of History میں کانٹ کے الفاظ نقل کیے ہیں: “One cannot avoid a certain feeling of disgust, when one observes the actions of man displayed on the great stage of the world. Wisdom is manifested by individuals here and there; but the web of human history as a whole appears to be woven from folly and childish vanity, often, too, from puerile wickedness and love of destruction.” یعنی دنیا کے عظیم اسٹی...

 ابلاغ عامہ میں تحقیق کی اہمیت صاحب زادہ  محمد زابر سعید بدر ابلاغی تحقیق کے طریقۂ کار میں گزشتہ چند دہائیوں کے دوران غیر معمولی تبدیلی آئی ہے۔ یہ تبدیلی محض تحقیق کے طریقوں تک محدود نہیں بلکہ خود ابلاغ کی ماہیت اور انسانی زندگی میں اس کے کردار کے بارے میں بدلتے ہوئے تصورات سے بھی گہرا تعلق رکھتی ہے۔ پہلے ابلاغی تحقیق میں چند مخصوص طریقوں کو بنیادی حیثیت حاصل تھی، خصوصاً انیس سو پچاس اور ساٹھ کی دہائیوں میں تجرباتی طریقۂ کار پر تقریباً مکمل انحصار کیا جاتا تھا۔ محققین انسانی ابلاغ کو سمجھنے کے لیے زیادہ تر ایسے تجربات پر توجہ دیتے تھے جن میں مخصوص حالات پیدا کرکے انسانی رویوں اور ابلاغی عمل کا مشاہدہ کیا جاتا تھا۔ وقت کے ساتھ یہ احساس مضبوط ہوا کہ انسانی ابلاغ کو صرف تجربہ گاہ کے محدود ماحول میں سمجھنا ممکن نہیں۔ ابلاغ انسانی زندگی کا روزمرہ اور مسلسل جاری رہنے والا عمل ہے۔ لوگ ایک دوسرے سے گفتگو کرتے ہیں، اپنے معاملات طے کرتے ہیں، تعلقات قائم کرتے ہیں، اپنے خیالات اور احساسات کا اظہار کرتے ہیں اور باہمی تعامل کے ذریعے اپنے مستقبل کی صورت گری کرتے ہیں۔ اس لیے ابلاغ کو سمجھنے ک...